｛CraZzy。Foodie｝

睇過日本芫茜pancake張相，都會記得最signature嘅綠色粒粒，其實對上條片有晒步驟，但都想分享下點整，因為既易整又好玩（見住啲粒粒慢慢成形仲好療癒！） 根據網站介紹，呢堆粒粒係「パクチー風キャビア」（芫茜style魚子醬），但魚子醬邊豎有咁嘅味？所以即刻諗到兩個可能：1)沖繩海葡萄；2)分子料理。 上網做完一輪功課，終於搵到答案。 燈凳，就係「Cold Oil Spherification」方法整嘅芫茜珠珠！ 「Cold Oil Spherification」（冷油……後面粒字唔識譯，總之令佢球體化啦）好簡單，只需將加咗大菜嘅液體，撞落啲雪到好凍嘅油，卜就會慢慢形成固體，而裝油嘅容器愈深，就愈多時間俾佢成形。液體同大菜嘅比例大約係100ml : 1.5g。 至於點解我啲粒粒，整咗出嚟似綠豆而唔係青豆嘅呢？ 因為我隻大菜太強勁，煲乾水都未煮溶晒，但我又堅持想保持返個比例，最後聰明地拎埋一齊煲，結果⋯咪煲走晒啲綠色囉⋯⋯唉。 教學可參考呢條link，comments部分都值得睇：goo.gl/z07VV6 Voilà！

｛食好茜｝ 講到為芫茜平反，近排最出色嘅代表，都要數日本＃naturalcreamkitchen 嘅創新芫茜料理， C-Foodies呢幾日出盡奶力研究個recipe，仲極速拍剪。 日本人出品出名精緻，我地嘅擺碟工夫真係有排學，至於啲粒粒嘅色差問題，另開文再述。 Anyway，祝各位長茜長有。May the coriander pancake makes your day! ＃ 芫茜   # 香菜   # 日本   ＃ 食好茜   ＃ 向芫茜致敬   ＃ crazzyfoodie   # 好異食

芫茜食法千變萬化：邊爐滾湯、整湯羹、配酸辣粉、伴涼菜 ⋯⋯ 同德成女傭一樣，晨早就融入家中，平凡到冇人為意。 直到上年有日本食物網站，將芫茜選為年度食物，芫茜風竟 然由日本hit返香港，喂，點講得過去呀？所以我地一班  C-foodies第一擊就要為佢平反！ 本來想搵包日本卡仔期間限定芫茜薯片做開箱文，但就咁拆 嘢太唔夠誠意，決定籌備另一重頭戲，stay tuned！